Эл өкүлү: “Ноокат жолу - айтып бүткүс арман болду”

Эл өкүлү Жусупбек Коргонбай уулу Жогорку Кеңештин жыйынында Ош-Баткен-Раззаков жолунун Ноокат районундагы бөлүгү боюнча маселени көтөрдү.

“Мен баягы эле Ноокат жолу боюнча маселени айтайын деп жатам. Ноокат жолу айтып бүткүс арман болду. Акылбек Жапаров башында убада берген нерселерин аткарбады. Транспорт министрлигинин отставкасын талап кылып жатабыз. Кенеген киши жок”, – деди депутат.

Аталган жолду куруу боюнча акча каражаты чечилип, 2016-жылы Жогорку Кеңеш тарабынан ратификациядан өткөрүлгөн. Транспорт жана жол министрлиги тендер өткөрүп, жалпы суммасы 133, 58 миллион доллар турган долбоорду япониялык JICA уюму утуп, макулдашууга жетишкен. Бирок долбоор бүгүнкү күнгө чейин жүзөгө аша элек.

Автор: Максуда Кудайбердиева