Бишкек мэриясы баткендиктерди кичи мекенине кайтарууга көмөк көрсөтүүдө

Бишкек шаардык мэриясы Тажикстандын куралдуу кол салуусунан эвакуацияланган жарандарды кичи мекенине кайтарууга көмөк көрсөтүүдө. Бул тууралуу аталган мекемеден маалымдашты.

Билдирүүдө айтылгандай, Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаменти тарабынан кичи автобустар уюштурулуп, алар күн сайын Баткен районунун тургундарын кичи мекенине жеткирүүдө.

Транспорт департаменти 3 күн ичинде Баткен облусуна чек арадагы айылдардын эвакуацияланган 1016 тургуну менен 54 кичи автобус жөнөттү.

Автор: Сезим Жумагулова