ӨКМ: "Ак-Сай айылында жараксыз болгон 44 үй тазаланды"

Тажикстандын куралдуу кол салуусунан Баткен облусунун Ак-Сай айылында жараксыз болгон 44 үй тазаланды. Бул туурасында ӨКМдан кабарланды.

Мындан тышкары Самаркандек айылында 10, Миң-Өрүк тилкесинде 33 жараксыз болгон үйлөр тазаланган.

Белгилесек, Жарандык коргонуу комиссиялары тарабынан тактоо иштери жүргүзүлүп, 640 турак үй такталган. Анын ичинен 423ү жашоого жараксыз, 217 оңдоп-түздөөгө муктаж.

Ошондой эле 11 административдик, стратегиялык объект, 27 социалдык объект, 335 сарай, 197 жашоо тиричилик камсыздоочу объект, 61 унаа жана унаа өтүүчү 1 көпүрө жабыркаган.

Маалымат үчүн: 16-сентябрда Тажикстан Кыргызстанга күтүүсүздөн кол салган. Анда тажик аскерлери Лейлек жана Баткен райондорундагы калктуу конуштарын аткылаган. Саламаттыкты сактоо министрлиги 62 адам каза болгонун билдирген.

Автор: Айжанар Рыспек кызы
Фото: ӨКМ