Кыргызстан менен Казакстандын чек арасынан чет элдик жарандар кармалды

Кыргызстан менен Казакстандын ортосундагы мамлекеттик чек араны бузган төрт чет элдик жаран чек арадан кармалды. Бул тууралуу Казакстандын Улуттук коопсуздук комитетинен билдиришти.

Маалыматка ылайык, чет элдик жарандар 22-октябрь күнү "Жасөркен" чек ара бекетинен кармалган.

"Биргелешкен издөө иш-чараларынын натыйжасында, Чек ара кызматынын аскер кызматкерлери жана УККнын Жамбыл облусу боюнча башкармалыгынын кызматкерлери тарабынан Кыргыз Республикасы менен Казакстан Республикасынын чек арасын бузган төрт чет элдик жаран кармалды", - деп айтылат маалыматта.

Учурда бул факты боюнча иликтөө иш-чаралары жүргүзүлүүдө.

Автор: Азат Бейшенбеков