Президент: "Мадумаров өмүр бою парламенттен чыкпай отура берип, теоретик болуп калган. Практикалык иш жасап көргөн эмес"

Мамлекет башчысы Садыр Жапаровдун "Кабар" маалымат агенттигине берген кезектеги маеги чыкты.

Анда журналист тарабынан "Кемпир-Абад боюнча Жогорку Кеңештин тармактык комитети эки тараптуу макулдашууну жактырды. Бирок ошол эле учурда айрым депутаттар, тагыраагы Адахан Мадумаров «Сууну кыргыз тарап тазалайт экен, форс-мажор болсо горизонталь белгиси өзгөрө берет экен» деген маанайда ЖМКга билдирүү жасады. Бул жагы кандай болот?" деген суроо берилди.

"Мадумаров өмүр бою парламенттен чыкпай олтура берип, теоретик болуп калган. Практикалык иш жасап көргөн эмес. Ошол үчүн практика жүзүндө кандай иштер болуп калаарын билбейт. Бул жердеги форс-мажор деген сөз боюнча, өткөндө – ушул жылдын жай айында нөшөрлөп жааган жамгырда Сузак районунда канча деген биздин айылдарыбызды сел алып кетти. Ошол күнү биз өзбек тарапка чыгып, сууну жаба тургула деп жаптырдык. Албетте, сууну жапканда горизонт бир аз көтөрүлөт. Көп болсо 20-30 см көтөрүлөт. Эгер жаппаганда андан да көп айылдарыбызды сел агызып кетет эле. Жаан токтогондон кийин кайра ачтырдык. Мына ушундай учурларды форс-мажор деп коет. Ушундай учурларды гана.

Азыр эми биз дагы плотинаны башкарууга кирип атабыз да. Мындан ары мындай учурларда маселе жаралса, эки тарап чогуу эле маселени жеринде чечип кете беришет. Суу азайышы мүмкүн, бирок 900дөн өйдө көтөрүлбөйт.

Ал эми “сууну биз тазалап берет экенбиз” дегени акылга сыйбайт. Андай маселе жок. Эмне суунун алдына түшүп алып тумшугу менен таш түртөбү же кум шыпырабы? Кыргыз тарап эч кандай чыгым көтөрбөйбүз.

Эптеп эле бир жеринен кыйкым таап, өзбек тарап менен чабыштырып жибергиси келип турган арам ою ишке ашпайт", - деп жооп берген өлкө башчы.

Автор: Максуда Кудайбердиева

12:02 02-11-2022

Жазылуу

РУБРИКАДАГЫ СОҢКУ КАБАРЛАР

11:44 2025-06-23 | Саясат

Касымалиев мамлекеттик жана муниципалдык кызматкерлерди кесиптик майрамы менен куттуктады 103 0

11:43 2025-06-23 | Түркүн дүйнө

АКШнын Иранга сокку уруусунан кийин Нью-Йоркто нааразычылык акциялары башталды (видео) 271 0

11:27 2025-06-23 | Коом жана турмуш

Бишкекте Медеров көчөсүнүн дагы бир бөлүгү жабылат 126 0

10:54 2025-06-23 | Кылмыштар, кырсыктар

Өлкөдө бир суткада 20 өрт кырсыгы катталды 151 0

10:53 2025-06-23 | Түркүн дүйнө

Иран АКШнын чабуулуна жооп убада кылды 946 0

10:52 2025-06-23 | Коом жана турмуш

"Дордой" базары тараптан уулуу чаян табылды 743 0

Архив

Комментарийлер (7)

Spb

2022-11-02 13:25:00

Чотка так суйлоптурго да ошондой

-4

Мунарбек

2022-11-02 13:47:00

С.Жапаровду колдогондор мен силер мененмин!

-3

Antiradikal11

2022-11-02 19:26:00

Мунарбек, жугундукорлор албетте силерге жугунду берген 2 доопарас менен да......

+23

Azat-123

2022-11-02 14:03:00

Азыркы элдик бийлик соп-сонун эле иштеп жатат, а мадукем болсо чындыгында эптеп эле бир жеринен кыйкым таап, өзбек тарап менен чабыштырып жибергиси келип турган арам ою ишке ашпайт

-4

Lev79

2022-11-02 14:03:00

Садыр деңгээлиң өтө төмөн ушакчы катындан айырмаң жок .Журт атасы башка деңгээлде болуш керек аферист.

make2

2022-11-02 19:19:00

Мадумаров туура айтып жатат чычалабаш керек

Antiradikal11

2022-11-02 19:30:00

Келесоо десе келесоо эмес, Садыр ото куу, ичи толо арам, жеткен аферист тура... Чыныгы жузу эми ачылып отурат. Ар бир кеби калп. 50/50 башкарабыз дейт. Озбектер балеени башкартат 50/50. Озбекистандан кийин Кемпирабадды кайра кайтарып алсак болот дейт. Озбекистан балээни кайтарат. Денгээли ушакчы катындан айырмасы жок. Кечке ушак кууп отурат, иши ошол бул аферисттин....... Ушундай саткын, эл душманы, элдин жерин сатып жаткан аферистти колдогондорго тан калып бутпой жатам, ушунча да келесообу деп.

Комментарий калтыруу үчүн өз ысымыңыз менен кириңиз же каттоодон өтүңүз.