АКШ Өзбекстанга аскердик техника берди

АКШ Өзбекстандын Коргоо министрлигинин атайын операциялык күчтөрүнө Polaris MRZR үлгүсүндөгү 50 жеңил тактикалык күжүрмөн унаасын тапшырды. Бул тууралуу АКШнын Өзбекстандагы элчилиги маалымдады.

Андагы маалыматка ылайык, жабдуулар 26-октябрда АКШнын Коргоо министрлигинин “Өнөктөштөрдүн потенциалын жогорулатуу” программасынын алкагында берилди. Унаалар 2 миллион 800 миң долларга бааланып, Өзбекстанга берилген америкалык коргонуу буюмдарынын бир бөлүгү экендиги айтылат.

АКШнын Борбордук кургактагы күчтөрүнүн командачысынын орун басары, генерал-майор Вендул Хаглер 26-октябрда Өзбекстандын Коргоо министрлигинин атайын операциялык күчтөрүнүнө техникаларды тапшырган.

"Бул жабдуулардын берилиши АКШнын Өзбекстанга улуттук эгемендигин жана аймактык бүтүндүгүн коргоого салым кошуу үчүн сунуштап жаткан жардамдын бир түрү гана. Америка Кошмо Штаттары акыркы 31 жыл ичинде олуттуу илгерилеген өнөктөштүгүбүздү мындан ары да өнүктүрүүнү чыдамсыздык менен күтөт", - деп билдирген генерал-майор Хаглер өз сөзүндө.

Автор: Бек Оморбеков