Анжелина Жоли эркектерге өзгөчө шарт коюп, мамиле курууга даяр экенин айтты

Атактуу актриса Анжелина Жоли Бред Питт менен ажырашкандан 6 жыл өткөндөн кийин башка эркектер менен кайра мамиле курууга даяр. Бул тууралуу анын жакындары билдиргенин чет элдик басылмалар жазышты.

Маалыматка ылайык, Жоли дайыма жолугушуу убактысын өзү тандайт жана бул үчүн бир гана күндү артык көрөт. Кошумчалай кетсек, жылдыз мырзаларды тааныштардын чөйрөсүнөн гана тандайт. Ал эми жолугушуу үчүн милдеттүү талап - Жолиге жолукканын ачыкка чыгарбоо үчүн кол коюп бериши керек.

"Ал ар дайым убакытты жана жолукчу жерди өзү аныктайт. Ошондой эле мейманканаларды өзүнүн атынан албайт жана ал жерде эч качан түнөбөйт", - деп жазылат маалыматта.

Жоли жолдошу Брэд Питт менен 2016-жылы ажырашкан. Үй-бүлө алты баланы тарбиялап өстүрсө, алардын үчөөнү багып алышкан.

Автор: Азат Бейшенбеков