Жалал-Абадда Жаңы жылдык балатынын чырактары жанды (сүрөт)

Жалал-Абад шаарында Жаңы жылдык балатынын чырактары жанды. Бул тууралуу шаардык мэриянын маалымат борбору кабарлады.

Иш-чарага шаар мэри Эрнисбек Ормоков, шаардык кеңештин төрагасы Нуртилек Орозбаев, мекеме-ишканалардын жетекчилери, шаар тургундары жана коноктору катышты.

"Калаа мэри Ормоков шаар тургундарын келе жаткан жаңы жылы менен куттуктап, жакшылыктарды, ийгиликтерди жана жаратмандыкты каалады. Иш-чара концерттик программа менен коштолуп, өнөр ээлери тарабынан жагымдуу ырлар тартууланды", - дешти мэриядан.

Белгилей кетсек, Жалал-Абад шаарынын "Эркиндик" аянтына бийиктиги 27 метрди түзгөн балаты орнотулган.

Автор: Айжанар Рыспек кызы
Фото: Жалал-Абад шаардык мэриясы