Сасык тумоонун көбөйүшү: "118" ыкчам байланыш кызматы иштеп жатат

Кыргызстанда жугуштуу оорулардын саны кескин өсүп жаткандыгына байланыштуу "118 ыкчам байланыш" кызматы иштеп жатат. Бул тууралуу шаардык мэрия тарабынан маалым болду.

Анда айтылгандай, бүгүнкү күндө "118 ыкчам байланыш" Бишкектеги 4 колл-борбордо күн сайын саат 09:00дөн 18:00гө чейин иштеп жатат.

"118 ишеним телефону Бишкектин ооруканаларынын ишин жеңилдетти. Статистикалык маалыматтарга ылайык, ооруканага кайрылгандардын 10 пайызы гана ооруканага жаткырылат. Көпчүлүгү ооруканада 1-2 күн гана жатып, андан кийин чыгарылат. Ишеним телефонуна чалып, бейтап үйдө калып, амбулатордук жардам ала алат", - дешти мэриядан.

Күнүнө "118" линиясына 40-60ка чейин чалуулар келип түшөт.

Бишкектиктер төмөнкү жардамды алуу үчүн ишеним телефонуна кайрылса болот:

* Жугуштуу оорулар, КРВИ, Covid-19 жана башка оорулар боюнча алгачкы медициналык консультация;

* Бейтаптын абалына онлайн режиминде тез клиникалык баа берүү жана зарыл болгон учурда жетекчилик берүү;

* Үй-бүлөлүк дарыгерлер жана алардын иш тартиби боюнча маалыматтарды берет.