Талибдер аялдардын соода борборлордо иштешине тыюу салды

Талибдер аялдардын соода борборлордо иштешине тыюу салды. Бул тууралуу чет элдик басылмалар жазышууда.

Аталган өлкөдө аялдардын сулуулук салондорун жаап салуу үчүн 10 күндүк убакыт берилди.

Буга чейин "Талибан" өлкөнүн аймагында иш алып барган эл аралык жана өкмөттүк эмес уюмдарга кыз-келиндерди жумушка алууга болбойт деген шартын койгон.

Мындан сырткары Ооганстандагы жогорку окуу жайларда студент кыздардын билим алуусун токтотуу чечимин кабыл алган. Өкмөт кыздардын светтик ЖОЖдордо окушу исламга каршы келерин айтып түшүндүргөн.

Автор: Максуда Кудайбердиева