Кадамжайда өмүрүнүн акыркы мүнөттөрү видеого тартылган айдоочу: Кайгуул кызматы айдоочуларга кайрылды

Кадамжай районундагы Ош-Баткен-Раззаков жолунун 161-чакырымындагы жол кырсыгына байланыштуу Милициянын кайгуул кызматы айдоочуларга кайрылды.

"Эсиңизде болсун, жолдогу жүрүм-турумуңузга өзүңүздүн гана эмес, айланаңыздагы адамдардын да коопсуздугу көз каранды. Жол эрежесинин талаптарын бардык айдоочулар так сактоого жана билүүгө милдеттүү экендигин Милициянын кайгуул кызматы эскертет", - деп айдоочуларга кайрылды кайгуул кызматы.

Кадамжайдагы жол кырсык кечээ, 19-январда саат 11:30 чамасында болгон. Анда Мерседес-Бенц үлгүсүндөгү унаанын айдоочусу саатына 240 чакырым ылдамдыкта айдап бара жатып жол кырсыгына кабылган. Кырсыктан 2 адам каза болду.