Акылбек Жапаровдун Өзбекстанга болгон иш сапары аяктады

Министрлер кабинетинин төрагасы Акылбек Жапаровдун Өзбекстанга болгон иш сапары аяктады. Бул тууралуу бүгүн, 11-мартта өкмөттүн маалымат кызматынан кабарлады.

Ага ылайык, иш сапарынын акыркы күнүндө Акылбек Жапаров жана делегация мүчөлөрү Самарканд шаарындагы “SAG AGRO” күнөскана комплексинин (“In-vitro” лабораториясы) жана жашылча-жемиштердин негизинде тамак-аш азыктарын чыгарган интенсивдүү багбанчылык боюнча “Agromir” кластеринин иши менен таанышты.

Белгилей кетсек, министрлер кабинетинин башчысынын Өзбекстанга болгон иш сапары 8-мартта башталган.

Сапардын алкагында ал өлкөнүн жогорку жетекчилиги менен бир катар жолугушууларды өткөрүп, анын жыйынтыгында эки тараптуу мамилелерди өнүктүрүү жана инвестицияларды тартуу боюнча 15тен ашуун документке кол коюлду.

Автор: Бек Оморбеков
Фото: Министрлер кабинетинин басма сөз кызматы