"Жылаңач көчөдө басып...". Атактуу актриса психикалык жактан жабыркап, ооруканага түштү

Америкалык актриса, 2000-жылдардагы тасмалардын жылдызы Аманда Байнс Лос-Анжелестин көчөлөрүндө жылаңач баскандан кийин психикалык ооруканага түштү. Бул тууралуу чет элдик басылмалар жазышты.

Маалыматка ылайык, Лос-Анжелестеги көчөлөрдүн биринде унаасын токтотуп, жылаңач жерге түшүп, башка унаада отурган айдоочуга психикалык жактан жабыркап жатканын айткан. Андан кийин 36 жаштагы актриса өзү полицияга чалган. Психикалык ден соолук боюнча эксперт актрисаны ооруканага жаткыруу керектигин аныктаган. Актриса учурда ооруканада дарыланууда.

Ал 8 жыл жашаган күйөөсү менен ажырашкандан кийин өзүнө келе албай жүргөнү айтылды.

Аманда Байнс "Ал эркек", "Аманда шоу", "Аралдагы сүйүү" сыяктуу 2000-жылдардагы белгилүу тасмаларда башкы ролдорду жараткан.

Автор: Азат Бейшенбеков