Microsoft 60 миң кызматкерине өз каалоосу менен жумуштан кетүүнү сунуштоодо

Microsoft компаниясы болжол менен 60 миң кызматкерине өз каалоосу менен жумуштан кетүүнү сунуштоону көздөп жатат. Бул тууралуу Business Insider басылмасы компаниянын кызматтык билдирүүсүнө таянып жазды.

Маалыматка ылайык, компания жасалма интеллект инфраструктурасына ири көлөмдөгү каражат жумшагандан кийин чыгымдарын оптималдаштырууга жана кызматкерлердин санын кыскартууга аракет кылууда. Мында кызматкерлерди мажбурлап жумуштан бошотпой, өз каалоосу менен кетүү программасы каралууда.

Басылманын маалыматына караганда, бул чара АКШ, Канада, Индия жана Улуу Британиядагы кызматкерлерге тиешелүү болот.

Автор: Айзада Кыдырмышева