Блогер Айжан Байзакова биринчи жолу коомчулукка күйөөсүн көрсөттү

Белгилүү казакстандык блогер Айжан Байзакова турмушка чыккандан бери биринчи жолу күйөөсүнүн жүзүн көрсөттү. Блогер айым үй-бүлөлүк сүрөтүн Instagram баракчасына жарыялады.

"Жолдошумдун сүрөтүн кимдер гана жарыялоого аракет кылбады. Менден башкасынын баары анын сүрөттөрү менен бөлүшүп, таанып калышты окшойт. Сен эмнени жашырсаң, ага болгон кызыгуу эки эсе жогору болот экен. Мындан ары бизди эч ким билгизбей тартып алууга аракет кылбайт.

Биз карапайым эле үй-бүлөбүз. Биздин жашообузга эч ким кийгилишпей, тынч жашоону каалайбыз. Бирок менин жашоомдо тынчтык болбойт окшойт. Мага каалаганыңарды жаза бергиле, бирок үй-бүлөмө тийишпегиле", - дейт ал.

Эске салсак, 28 жаштагы блогер Айжан Байзакова 2022-жылы октябрь айында турмушка чыккан. Бирок ал жолдошу тууралуу эч кандай маалымат бербей келген.

Автор: Жаңыл Ниязбекова