Милиция кызматкерлери Орусияда өткөн мелдеште байгелүү орундарды ээлешти

Ички иштер министрлигинин кызматкерлери кармашып урушуу боюнча Орусияда өткөн мелдеште байгелүү орундарды ээлешти. Бул тууралуу министрликтен билдиришти.

Маалыматка ылайык, 7-апрелден 9-апрелге чейин Москва шаарында кармашып урушуу боюнча аялдар жана эркектер арасында “Достук кубогу-2023” мелдеши өттү. Ага ИИМдин Атайын багыттагы полкунун кызматкерлери катышты.

Таймашка 90 килограммдан жогору салмакта катышкан полктун атайын операциялар отрядынын улук ыйгарым укуктуу ыкчам кызматкери, милициянын капитаны Максатбек Пирматов 2-орунду ээлесе, ал эми 3-орун полктун Баткен шаарында жайгашкан өзүнчө ротасынын Баткен облусу боюнча атайын операциялар отрядынын ыкчам кызматкери милициянын старшинасы Ырысбек Зайировго буюрду.

Автор: Айжанар Рыспек кызы
Фото: ИИМ