Бишкектеги мектептерде бомба бар деген маалыматты Орусия же Украинадан жиберип жатышат

Бишкек шаарындагы мектеп жана университеттерде "Бомба бар" деген маалымат чет өлкөлөрдөн түшүп жатат. Бул тууралуу УКМКнын төрагасынын орун басары Айбек Шаменов Жогорку Кеңештин жыйынында билдирди.

"Көбүнчө маалыматтар аккаунт менен электрондук почтага келет. Бул маалыматты жөнөткөн аккаунттар Орусия же Украинадан келип жатат. Аккаунтар чет мамлектте катталган, алар табылбай жатат", - деди Шаменов.

Кечээ, 18-апрелде Бишкекте жарылуучу зат коюлган деген маалыматтан улам эки университет, бир лицей жана беш мектептен окуучулар жана адамдар эвакуацияланган.

Автор: Азат Бейшенбеков