Кыргызстанда жашоо минимуму канча сомду түзөт? Статистикалык маалымат

2023-жылдын биринчи кварталынын жыйынтыгы боюнча Кыргыз өлкөсүндө жашоо минимуму 7 501 сом 97 тыйынды түздү. Бул тууралуу Улуттук статистика комитетинин маалыматында жазылат.

Калктын жаш курагына жараша жашоо минимумунун өлчөмү да ар кандай. Алсак, эмгекке жарамдуу курактагы калк үчүн 8 636 сом 20 тыйынды түзсө, пенсия курагындагылар үчүн 6 650 сом 27 тыйын, ал эми балдар үчүн 6 415 сом 63 тыйынды түздү.

Статком жарыялаган маалыматка ылайык, жашоо минимуму Жалал-Абад облусунда, Бишкекте жана Нарында эң көп көрсөткүчкө жеткен.

Аймактардагы жашоо минимумунун суммасы:

Жалал-Абад облусу — 7 789,31 сом

Бишкек шаары — 7 650,95 сом

Нарын облусу — 7 545, 11 сом

Ош шаары — 7 490,88 сом

Баткен облусу — 7 352,54

Чүй облусу — 7 243,01 сом

Ош облусу — 6 994,48 сом

Ысык-Көл облусу — 6 974,76 сом

Талас облусу — 6 862 сом

Автор: Айжанар Рыспек кызы