Екатеринбургда дайынсыз жоголгон кыргызстандык өспүрүм табылды

Орусиянын Екатеринбург шаарында дайынсыз болуп жаткан кыргызстандык өспүрүм табылды. Бул тууралуу Тышкы иштер министрлиги кабарлады.

Билдирүүгө ылайык, учурда өспүрүм ата-энеси менен чогуу үйүндө.

"Баланын жакындары жана Башкы консулдук полиция кызматкерлерине, ыктыярчыларга жана бардык камкор жарандарга жашы жете элек кыргызстандыкты издөөгө катышкандыгы үчүн ыраазычылык билдирет", - деп билдирди Тышкы иштер министрлиги.

Буга чейин Тышкы иштер министрлиги Екатеринбург шаарында кыргызстандык өспүрүм дайынсыз болуп изделип жатканын билдирген.

Автор: Азат Бейшенбеков