“Неге мынча кайдыгербиз?“. Президент кыргызстандыктарга кайрылды

Президент Садыр Жапаров социалдык тармактагы баракчасы аркылуу жалпы кыргызстандыктарга кайрылып, жарандарды Ысык-Көлгө аяр мамиле жасоого жана эс алгандан кийин таштанды калтырбоого чакырды.

"Урматтуу кыргызстандыктар!

Мынчалык кайдыгер болбогулачы.

Эки айдан бери Өзгөчө кырдаалдар министрлигинин кызматкерлери тазалап бүтө албай жатышат.

Таза болуу өзүбүздөн го акыры. Неге мынча кайдыгербиз? Өзүбүз булгайбыз дагы анан бийликтен тазалыкты балакеттей талап кылабыз.

Тазалыкты сактоону суранам. "Тазалаган жер таза эмес, тазалыкты сактаган жер таза".

Ар бир жаран тазалыкты сактоого жана башка жарандардан дагы тазалыкты сактоону талап кылууга милдеттүүсүздөр", – деди Жапаров.

Президент Өзгөчө кырдаалдар министрлигинин кызматкерлеринин эмгегин баалоого чакырды.

Белгилей кетсек, ушул жылдын мартында Ысык-Көлдө көлдү таштандылардан тазалоо иштери башталган.

ӨКМнын суучулдары учурда көл түбүнөн тонналаган таштандыларды алып чыгууда.

Буга чейин ведомстводон билдиришкендей, суучулдар 47 күндүн ичинде көлдөн 3,7 миң килограмм таштанды жана 47 миң метр тор алып чыккан.

Автор: Максуда Кудайбердиева

08:13 03-05-2023

Жазылуу

РУБРИКАДАГЫ СОҢКУ КАБАРЛАР

13:29 2025-05-16 | Коом жана турмуш

Өлкөдө дем алыш күнү туруксуз аба ырайы күтүлөт 96 0

13:24 2025-05-16 | Супер-Инфо

“Эркектей эле болчу...” Же кыргыздар мырзаны кантип тарбиялашкан? 33 0

13:18 2025-05-16 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 1478 0

12:51 2025-05-16 | Коом жана турмуш

17-майга карата аба ырайы 179 0

12:19 2025-05-16 | Супер-Инфо

Клара Алибекова, ырчы: «Кайра жаралсам таптакыр башкача жашамакмын» 215 0

12:00 2025-05-16 | Коом жана турмуш

Садыр Жапаров курулуп баштаган тоо-лыжа курортуна инвесторлорду чакырды 421 0

Архив

Талкуу жабык.