Жалал-Абаддагы көк бөрү: Камчыбек Ташиев байгеге 1 миллион сом берди (фото)

Жалал-Абадда өтүп жаткан көк бөрү боюнча республикалык чемпионаттын расмий ачылыш аземине УКМК төрагасы Камчыбек Ташиев катышты.

Мелдеште өлкөнүн жети дубанынан келген 35 команда ат салышууда. Турнир милициянын генерал-лейтенанты Молдомуса Конгантиевдин жаркын элесине жана 9-Май Жеңиш күнүнө карата өткөрүлүүдө.

Ачылыш аземге катышкан УКМК төрагасы Камчыбек Ташиев байгеге УКМКнын өздүк курамынын атынан бир миллион сом берип, Жалал-Абад ОИИБге автоунаа тапшырды.

Мелдеш 2-майда башталган, 9-майга чейин уланат.

Эске салсак, генерал-лейтенант Молдомуса Конгантиев көзү тирүү кезинде Улуттук көк бөрү федерациясын жетектеп турган.