Финансы рыногун жөнгө салуу мамлекеттик кызматына жаңы жетекчи келди

Финансы рыногун жөнгө салуу жана көзөмөлдөө мамлекеттик кызматынын жаңы жетекчиси болуп Марат Пирназаров дайындалды. Бул туурасында министрлер кабинетинин маалыматында айтылат.

Тиешелүү жарлыкка кечээ, 3-майда министрлер кабинетинин төрагасы Акылбек Жапаров кол койгон.

Пирназаров буга чейин 2020-жылы "Унаа" мамлекеттик ишканасын жетектеп, 2021-жылы Финансы рыногун жөнгө салуу жана көзөмөлдөө мамлекеттик кызматынын жетекчисинин орун басары болгон.

Аталган кызматты буга чейин Улан Сарбанов жетектеп келген. Ал Мамлекеттик өнүктүрүү банкынын башчысы болду.

Автор: Максуда Кудайбердиева