Төрт-Күл суу сактагычына чөгүп кеткен экинчи баланын сөөгү табылды

Баткендеги Төрт-Күл суу сактагычына чөгүп кеткен экинчи баланын сөөгү табылды. Бул тууралуу Өзгөчө кырдаалдар министрлигинен кабарлашты.

Маалыматка ылайык, бүгүн, 18-майда саат 14:14тө Төрт-Күл суу сактагычына чөгүп кеткен 2006-жылы туулган М.А. аттуу өспүрүмдүн сөөгү табылды. Маркумду издөөгө ӨКМдан 36 куткаруучу тартылып, үчүнчү өзүнчө издөө-куткаруу отрядынын куткаруучулары тарабынан аталган жарандын сөөгү табылган.

Белгилей кетсек, 14-майда кечки саат 20:35те Төрт-Күл суу сактагычында кайыкта сейилдеп жүргөн 2 өспүрүмдүн сууга чөккөндүгү боюнча маалымат келип түшкөн. ӨКМнын Үчүнчү өзүнчө издөө-куткаруу отрядынын куткаруучулары издөө иштерине чыгып, 15-майда саат 08:35те 2009-жылы туулган Д.М. аттуу өспүрүмдүн сөөгү табылган.

Автор: Жаңыл Ниязбекова