Ок атуу менен коштолгон Оштогу массалык мушташ боюнча милиция үн катты

Бүгүн, 12-июлда Ош шаардык милициясы калаадагы ресторандардын биринин жанындагы калайман мушташ боюнча малымат берди.

Маалыматка караганда, жаңжал 2-июль күнү болгондугу аныкталды.

"Аталган окуя Ош ШИИБинин маалыматтардын электрондук журналына катталган. Алгачкы тергөө амалдарынын жүрүшүндө белгисиз ок атуучу куралды аткан жаран Ош шаарынын 1993-жылы туулган С.А. экендиги такталып, тергөөгө камсыздалып, травматикалык ок атуучу куралы далил буюм катары алынды. Травматикалык ок атуучу курал мыйзамдуу түрдө С.А.га катталган", - деп айтылат билдирүүдө.

Бүгүнкү күндө күбөлөр суралып, иликтөө амалдары жүрүп жатканы кошумчаланды.

Эске салсак, буга чейин Ош шаарындагы калайман мушташтын видеосу тараган.

Автор: Бек Оморбеков