Аламүдүндө апасы менен кызы эс алуу учурунда сууга түшүп кетти. Аялдын сөөгү табылды

Чүй облусунун Аламүдүн районунда апасы менен сууга түшүп кеткен кыз изделип жатат. Бул тууралуу Өзгөчө кырдаалдар министрлигинен билдирди.

Маалыматка ылайык, Аламүдүн районундагы Таш-Мойнок айыл аймагына караштуу эс алуучу жайда наристе апасы менен сууга түшүп кеткени тууралуу маалымат түшкөн.

Издөө иштерине Аламүдүн районунан 3 куткаруучу, Сокулук районунан 5 куткаруучу, жардамга 161 кызматынан 4 куткаруучу тартылган. Анын натыйжасында куткаруучулар тарабынан А.Э. аттуу аял кишинин сөөгү суудан табылып, ИИМ кызматкерлерине өткөрүлүп берилген.

Ал эми кичинекей кызды издөө иштери кеч киргендигине байланыштуу убактылуу токтотулуп, бүгүн, 19-июлда издөө иштери улантылмакчы.

Кошумча маалымат берилет.

Автор: Айпери Бакталбек кызы
Фото: ӨКМ