Төө-Ашуудагы тоннелде кайрадан маал-маалы менен чектөө киргизилет

Бишкек-Ош унаа жолунда жайгашкан К.Көлбаев атындагы тоннелде 20-июлдан тарта жол кыймылына маал-маалы менен чектөөлөр киргизилет. Бул тууралуу бүгүн, 20-июлда "Кыргыз темир жолу" ишканасынан кабарлашты.

Маалыматта буга тоннелдин эски асфальт-бетон катмарын сыйрып алуу, жаңы асфальт-бетон төшөө иштери жүргүзүлөрү себеп болгону айтылат. Мындан улам 20-июлдан 26-июлга чейин жол кыймылына маал-маалы менен чектөөлөр киргизилип турат.

Чектөө графиги:

- Саат 05:00дөн 08:00гө чейин;

- Саат 10:00дөн 12:00гө чейин;

- Саат 14:00дөн 16:00гө чейин.

Буга чейин Төө-Ашуудагы тоннелдеги чектөөлөр узартылгандыгы тууралуу маалымат берилбегендигине айдоочулар нааразычылыгын билдирген.

Автор: Айпери Бакталбек кызы
Фото: Интернеттен алынды