Жалал-Абадда күчү 3 баллга жеткен жер титирөө катталды

Кечээ, 23-июлда Жалал-Абад облусунун аймагында жер титирөө катталды. Бул туурасында Сейсмология институнун маалыматында айтылат.

Маалыматка ылайык, жер титирөө кечээ, 23-июлда саат 20:25те катталып, күчү 3 баллга жеткен.

Жер титирөөнүн күчү Сузак районунун Орток, Кара-Алма айылдарында 3 балл, Сары-Булак, Ак-Тоок, Таран-Базар, Сай, Жоон-Күнгөй айылдарында 2,5 баллга чейин сезилген.

Алдын ала маалымат боюнча жер титирөөдөн жабыркагандар жана кыйроолор катталган жок.

Автор: Айпери Бакталбек кызы
Фото: Интернеттен алынды