Садыр Жапаров "Үрөн жөнүндө" мыйзамга өзгөртүүлөрдү киргизди

Бүгүн, 9-августта президент Садыр Жапаров "Үрөн жөнүндө" мыйзамга өзгөртүүлөрдү киргизүү тууралуу" мыйзамга кол койду. Бул тууралуу мамлекет башчысынын маалымат кызматы кабарлайт.

Белгиленгендей, мыйзам ушул жылдын 22-июнунда Жогорку Кеңеш тарабынан кабыл алынган.

Мыйзам 2021-жылдын 8-февралындагы №26 "Кыргыз Республикасынын мыйзамдарына инвентаризация жүргүзүү жөнүндө" президенттин жарлыгын аткаруунун алкагында даярдалган. Ошол эле учурда министрлер кабинети тарабынан өлкө аймагына үрөндөрдү алып келүүнүн тартибин белгилөө, ошондой эле редакциялык-тактоочу мүнөздөгү өзгөртүүлөр каралган.

Мыйзам расмий жарыяланган күндөн тартып күчүнө кирет.

Автор: Максуда Кудайбердиева