АКШ президенти Борбор Азия лидерлери менен саммит өткөрөт

АКШ президенти Жо Байден Борбор Азия лидерлери менен саммит өткөрөт. Иш-чара сентябрь айына пландалган. Бул тууралуу Жо Байдендин Өзбекстандын президенти Шавкат Мирзийоевге жолдогон катынын текстинде айтылганын басылмалар жазышууда.

"19-20-сентябрда сиз башка лидерлер менен бирге коопсуздук, экономика жана айлана-чөйрөнү коргоо жаатындагы жалпы максаттарыбызды мындан ары биргелешип алдыга жылдыруу жолдорун талкуулоо үчүн С5+1 форматындагы расмий жолугушууга катыша аласыз деп ишенем", - деп жазган Байден.

C5+1 жумушчу топтору экономика, энергетика жана экология, коопсуздук сыяктуу тармактар менен алектенет.

Автор: Максуда Кудайбердиева