Кыргызстандыктар 1-сентябрдан тарта Өзбекстанга ID-карт менен кире алат

1-сентябрдан тарта кыргызстандыктар Өзбекстанга ID-карт менен кире алат. Бул тууралуу Тышкы иштер министрлигинен билдиришти.

Маалым болгондой, ушул жылдын 27-январында Бишкек шаарында кол коюлган 2006-жылдын 3-октябрындагы "Жарандардын өз ара барып-келүүлөрү" жөнүндө Кыргызстан менен Өзбекстандын ортосундагы макулдашууга өзгөртүүлөрдү киргизүү тууралуу протоколдун практикалык ишке ашырылышы башталат.

"Протоколго ылайык, ушул жылдын 1-сентябрынан тартып Кыргызстандын жана Өзбекстандын жарандары башка жол жүрүү документтери менен бирге эки мамлекеттин аймагына кирүү, чыгуу, жүрүү жана убактылуу болуу үчүн ID-картты колдоно алышат", - деп айтылат билдирүүдө.

Автор: Ширин Марат кызы