Флоридадагы ок чыгаруудан үч адам каза болду

Кечээ, 26-августта АКШнын Флорида штатындагы Джексонвилл шаарындагы Dollar General дүкөнүндө болгон ок чыгаруудан үч адам набыт болуп, кол салган адам өз жанын кыйганын жергиликтүү бийликтин өкүлдөрү маалымат жыйынында билдирди.

"Үч адам каза болду. Кол салган адам расалык негизде болгон, тагыраагы ал караларды жек көргөн", - деди шаардын шерифи.

Маалымдалгандай, кол салган адам АR-15 мылтыгы жана тапанча менен куралданган. Ошондой эле андан тактикалык жилет да табылган. Андан эки эркек жана бир аял каза болгон. Аларды өлтүргөндөн кийин ок аткан адам өз жанын кыйган.

Кылмышкердин өздүгү азырынча белгисиз. Шерифтин айтымында, ал кандайдыр бир кылмыштуу топтун кызыкчылыгын көздөгөн деген жоромолдорго далил жок.

Автор: Гүлкайыр Абдиманнап кызы