Акын-жазуучулар Олжобай Шакир боюнча бийликке кайрылды

Жазуучу, публицист Олжобай Шакирдин камалышына байланыштуу коомдук ишмерлер, акын-жазуучулар менен журналисттер президент Садыр Жапаровго жана УКМКнын жетекчиси Камчыбек Ташиевге кайрылуу жолдоду. Бул тууралуу маалыматты журналист Аскер Сакыбаева Фейсбук баракчасына жарыялады.

Маалымдалгандай, 100дөн ашык адам кол койгон кайрылууда “РухЭш” сайтынын негиздөөчүсү Олжобай Шакирдин камалышы чоң катачылык болгону жана аны эркиндикке чыгаруу талабы жазылган.

"Улуттук адабиятты өнүктүрүү жана коомду агартуу мүдөөсүн көздөгөн “РухЭш” сайтынын негиздөөчүсү, жазуучу Олжобай Шакирдин камалышы чоӊ катачылык болду. “Бийликти басып алууга чакырган” деген айып чындыкка такыр коошпойт. Тескерисинче, ал улам бир төӊкөрүштү кайталай бергенден оӊолуп кетпейбиз, бүлгүнчүл күчтөрдүн бийликти басып алышына жол койбойлу деп эскертип келген", - деп жазылган кайрылууда.

Мындан тышкары кайрылууда өз оюн ачык айткандарды эл башылар эч качан куугунтуктаган эместигин, жаӊылыш же жалаа кепти жүйө менен, көзгө көрүнөрлүк иши менен эле төгүндөп тургандыгы тууралуу да белгиленген.

"Олжобай Шакирдин камалышы коомчулукта нааразылыкты күчөтүп жаткандыгы социалдык тармактардагы коомдук пикирлерден ачык байкалууда. Ооба, Олжобайды баатыр көргөзүүдөн алыспыз. Бирок бир чындыкка көз жуумп коюу мүмкүн эмес: ал кылмышкер да, коррупционер да, чыккынчы да эмес экендигине кепил боло алабыз. Кошоматчылардын барымтасында калган бийликтин күнү тез эле бүтөрүн буга чейинки үч төңкөрүш далилдебеди беле?", - деп кайрылышкан коомдук ишмерлер, акын-жазуучулар менен журналисттер.

Олжобай Шакир 23-августта УКМК тарабынан кармалган. 24-августта Бишкектин Биринчи Май райондук соту аны 23-октябрга чейин УКМКнын тергөө абагына камоо чечимин чыгарган.

Автор: Гүлкайыр Абдиманнап кызы

10:26 04-09-2023

Жазылуу

РУБРИКАДАГЫ СОҢКУ КАБАРЛАР

13:51 2025-07-19 | Кылмыштар, кырсыктар

Бишкекте 27 жаштагы кыз жолго чыгып, өзүн унаа алдына таштоого аракет кылды (видео) 180 0

12:59 2025-07-19 | Саясат

Эдил Байсалов Тогуз-Торо районундагы социалдык объекттердин ишмердүүлүгү менен таанышты (фото) 153 0

12:37 2025-07-19 | Түркүн дүйнө

Трамп Илон Маскты жана Зохран Мамданини АКШнын жарандыгынан ажыратышы мүмкүн 579 0

11:59 2025-07-19 | Коом жана турмуш

Бишкекте 20-21-июль күндөрү жол кыймылына чектөө киргизилет 481 0

11:26 2025-07-19 | Түркүн дүйнө

Чехияда коммунизмди үгүттөөгө тыюу салган мыйзам кабыл алынды 284 0

10:54 2025-07-19 | Спорт

Денис Петрашов Германияда өтүп жаткан Дүйнөлүк Жайкы Универсиадада алтын тагынды 456 0

Архив

Комментарийлер (3)

Uri24

2023-09-04 11:14:00

Наадан, зулум Садыр Жапаровтун бийлиги эркин оюн айткан жарандардын тандырын талкалап, балта чаап жатканы жакшылыка алып барбайт. Садыр Жапаров өзүнүн наадандыгын токтотуу керек.

Uri24

2023-09-04 11:37:00

Ким оз ой пикирин айтып коюп, анысы зөкүр Садыр Жапаровко жакпай калса эле, аларды дароо батыш деп жамандоону салт кылып алды. Болбосо Садырдын бийлиги Батыштын каржысына муктаж экинин озу жакшы билбейт окшойт.

-Aybek18

2023-09-04 14:25:00

Мурдагы бийликтер, элге эч нерсе жасап бербесе деле, бирок элдин эркиндигине тийген эмес, бул бийлик элге жасамак түгүл кайра элдин эркиндигин алып коюп жатат, коркутуу үркүтүү жолу менен

Комментарий калтыруу үчүн өз ысымыңыз менен кириңиз же каттоодон өтүңүз.