"Электр энергиясы менен жылытууга тыюу салынат". Министрлик кыш мезгилине даярдык боюнча маалымат берди

Быйыл кышында электр энергиясы өчүрүлбөйт. Бул тууралуу энергетика министринин орун басары Таалайбек Байгазиев "Биринчи радионун" эфиринде билдирди.

Байгазиевдин айтымында, быйыл эч кандай өчүрүүлөр болбойт. Бирок суунун аздыгына байланыштуу электр энергиясы менен жылытууга тыюу салынат.

"Быйыл суунун аздыгына байланыштуу электр энергиясы менен жылытууга тыюу салынат. Бирок ар бир керектөөчү өзүнө тиешелүү электр энергиясын ала алат. Азыр ар бир үйгө болжол менен 5 киловатт деп санап жатабыз. Ар бир үй-бүлөдө электр жарыгы болот, электрдик жабдууларга энергия жетет. Болгону электр жылуулугуна күчүбүз жетпей калышы мүмкүн", - деди министрдин орун басары.

Ошондой эле газ түйүнү бар аймактар жылуулукту газ аркылуу камсыздоого мүмкүнчүлүгү бар. Байгазиев ар бир айыл көмүр менен да камсыздала турганын, учурда кампада 283 миң тонна көмүр бар экенин билдирди.

Ал эми Бишкектеги ыш маселесин чечүү үчүн Байгазиев Кара-Кечеден көмүр алуу токтотулуп, сапаттуу, түтүнү аз чыккан көмүр менен камсыз кылууга аракет кылып жатканын кошумчалады.

Эске салсак, быйыл 1-августтан 2026-жылдын 31-декабрына чейин Кыргызстандын энергетика тармагына өзгөчө кырдаал режими киргизилген. Көп өтпөй бул маселе коомчулукта кызуу талкууланып, кышында электр жарыгы өчүшү мүмкүнбү деген теманы козгогон.

Бул боюнча Садыр Жапаров "Кабар" агенттигине маек берип, анда эч кандай өзгөчө кырдаал түзүлбөгөнүн билдирген. Өлкө башчынын айтымында, энергияны жылда импорттоо менен Кыргызстан мурдатан бери өзгөчө кырдаалда келе жатат.

Кыргызстанда энергетиканын өзөгүн советтер союзу маалында курулган гидроэнергетика тармагы түзөт. Анын кубаттуулугу орточо 3,6 гигаватт болуп саналат. Өлкөдөгү ири Токтогул (1,2 гигаватт), Күрпсай (800 егаватт) жана Таш-Көмүр (450 мегаватт) ГЭСтери бар. Алардын жабдыктары эскирип бүткөнү да айтылууда.

Ал эми энергетика министри Таалайбек Ибраев өзгөчө режим киргизилерден мурун жергиликтүү басылмалардын бирине берген маегинде кыш мезгилинде Түркмөнстан (Өзбекстандын линиясы аркылуу) менен Орусиядан (Казакстан аркылуу) электр энергиясын импорттоо күтүлүп жатканын айткан.

Автор: Ширин Марат кызы

17:41 05-09-2023

Жазылуу

РУБРИКАДАГЫ СОҢКУ КАБАРЛАР

23:46 2025-06-30 | Коом жана турмуш

"1000ге жеткиришибиз керек". Ташиев Чаткалдыктарга өзгөчө тапшырма койду (видео) 193 0

23:18 2025-06-30 | Түркүн дүйнө

НАТОнун саммити 2026-жылы Анкарада өтөт 130 0

23:06 2025-06-30 | Түркүн дүйнө

Иран Украинанын Тегерандагы өкүлүнө нааразылык нотасын тапшырды 367 0

22:45 2025-06-30 | Кылмыштар, кырсыктар

УКМК Бишкек менен Чүйдө жер тилкелери мамлекетке алынганын билдирди 272 0

22:31 2025-06-30 | Түркүн дүйнө

Сирия жакынкы ааралыкта Израил менен тынчтык түзүшү мүмкүн 291 0

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 298 0

Архив

Комментарийлер (3)

Taalaibek.

2023-09-05 23:48:00

Электр энергиянын баасын кымбаттатып эми жылытууга тыюуу сала баштадынарбы. Деги качан карапайым элибиздин канын соргонун токтотосунар?

talas0707

2023-09-06 10:15:00

Быйыл суу аз болду шаардыктар эле байкабай калбаса айыл жергесиндегилер байкадык, жаз суук жаан аз болду. Эми суу аз болуп жатса энергия кайдан болсун. Жон гана сабыр кылсак баары жакшы болот. Булар кетип башкасы келсе деле жыргатып жибербейт.

talas0707

2023-09-06 10:18:00

Менин жеке оюм 70 тыйындан 1 сомго которулгону бир топ эле аз эле чонтогундогу телефонго салган единицага караганда.

Комментарий калтыруу үчүн өз ысымыңыз менен кириңиз же каттоодон өтүңүз.