"13ү аялдар". Жети-Өгүздүн Саруу айылдык кеңешинин депутаттыгына талапкерлерди көрсөтүү аяктады

Кечээ, 7-сентябрда Ысык-Көлдүн Жети-Өгүз районунун Саруу айылдык кеңешинин депутаттыгына талапкерлерди көрсөтүү аяктады. Бул тууралуу Боршайком кабарлайт.

Маалымдалгандай, Саруу айылдык кеңешинде мандаттардын жалпы саны – 21. Ал эми көрсөтүлгөн талапкерлердин жалпы саны 41 адамды түздү, анын ичинен 13ү аял талапкерлер.

Документтер 18-сентябрга чейин Жети-Өгүз аймактык шайлоо комиссиясы талапкерлердин мыйзамдардын талаптарына ылайыктуулугун текшерет.

Паспорттук маалыматтарды, жергиликтүү жамааттын мүчөлүгүн (каттоо), жарандыгын, соттуулугу бар-жогу жана башка маалыматтар каралат.

Жергиликтүү кеңештин депутаттарын шайлоо 8-октябрга белгиленген.

Автор: Максуда Кудайбердиева
Фото: Бек Оморбеков