"Ош базары" менен эки автобекет кайда көчүрүлөрү белгилүү болду

Бишкек мэриясы "Ош базары" менен Батыш автобекетин көчүрүүнү пландап жатат. Бул тууралуу бүгүн, 25-сентябрда Транспорт департаментинин жетекчисинин орун басары Улан Уезбаев билдирди.

Анын айтымында, эки объект тең Пригородное айылынын тышына чыгаруу пландалууда (Достук кичи районунун маңдайы).

Ошондой эле ал иш 2024-жылы башталарын, учурда көчүрүүнүн механизмдери иштелип, эскиздер даярдалып жаткандыгын кошумчалады.

Ал эми Чыгыш автобекети Алматы менен айланма жолдун кесилишине көчүрүлөт (түндүк-чыгыш бөлүгү).

Эске салсак, буга чейин Бишкектин мэри Эмилбек Абдыкадыров "Ош базары", Батыш жана Чыгыш автобекеттери шаардын тышына чыгарыла турганын билдирген.

Автор: Гүлкайыр Абдиманнап кызы