Ооганстандагы жер титирөөдөн каза болгондордун саны эки миңден ашты

Ооганстандагы жер титирөөнүн курмандыктарынын саны эки миңден ашты, тогуз миңге жакын адам жарадар болду. Бул тууралуу чет элдик басылмалар жазып чыгышты.

Маалыматка караганда, бүгүн, 8-октябрда эртең менен миңге чукул жашоочулар каза болгону белгилүү болду.

"Ооганстандагы жер титирөөдөн каза болгондордун саны 2053кө, жарадар болгондор 9240ка жетти. 1329 үй кыйраган", - деп билдирет Reuters Табигый кырсыктар министрлигине шилтеме берүү менен.

Эске салсак, кечээ, 7-октябрда Ооганстандын батышында, Иран менен чек арага жакын жерде күчү 6,3 баллга жеткен жер титирөө катталган.

Автор: Гүлкайыр Абдиманнап кызы