Владимир Путин Бишкекке келди (фото)

Орусиянын президенти Владимир Путин Кыргыз Республикасына расмий сапары менен келди. Бул тууралуу Министрлер кабинети маалымдады.

Владимир Путинди “Манас” эл аралык аэропортунан Министрлер кабинетинин төрагасы Акылбек Жапаров тосуп алды.

Расмий сапарынын алкагында Орусиянын президенти өлкө башчы Садыр Жапаров менен сүйлөшүүлөрдү жүргүзөт, ошондой эле эртең, 13-октябрда Бишкек шаарында өтө турган Көз карандысыз Мамлекеттер Шериктештигинин (КМШ) Мамлекет башчыларынын Кеңешинин жыйынына катышат.

Автор: Азат Бейшенбеков