Тажикстандын премьер-министри Кыргызстанга келди (фото)

Бүгүн, 26-октябрда Тажикстандын премьер-министри Кохир Расулзода Кыргызстанга келди. Бул тууралуу Кыргыз өкмөтүнүн маалымат кызматынан билдиришти.

Кабарлангандай, аны “Манас” эл аралык аэропортунан министрлер кабинетинин төрагасынын орун басары Бакыт Төрөбаев тосуп алды.

Белгилей кетсек, Кохир Расулзода бүгүн Бишкек шаарында өтө турган Шанхай Кызматташтык Уюмуна мүчө мамлекеттердин Өкмөт башчыларынын кеңешинин жыйынына, Көз карандысыз Мамлекеттер Шериктештигине мүчө мамлекеттердин Өкмөт башчыларынын кеңешинин жыйынына жана Евразия өкмөттөр аралык кеңешинин жыйынына катышат.

Автор: Максуда Кудайбердиева