Министрлик мугалим окуучулардын колуна ийне сайган окуя боюнча маалымат берди

Билим берүү жана илим министрлиги Ала-Бука районундагы мектептердин биринде мугалим тапшырма аткарбаган окуучулардын колуна ийне сайган деген маалымат боюнча түшүндүрмө берди.

Маалыматка ылайык, окуя 24-октябрда болгон.

"Ала-Бука районунун Ак-Коргон айылындагы Ч.Айтматов атындагы №40 жалпы орто билим берүү мектебинин кыргыз тили жана адабияты мугалими тапшырма аткарбагандыгы үчүн 5-класстын окуучуларынын колуна ийне сайган. Бул окуя ушул жылдын 24-октябрында болгон.

Учурда бул боюнча Ички иштер министрлигине билдирилип, териштирүү иштери башталды", - деп айтылат маалыматта.

Автор: Кылымбек Бейшеев