Бишкекте ымыркайдын таштандыга ыргытылышы: 2002-жылы туулган энеси кармалды

Бишкекте жаңы төрөлгөн ымыркайды өлтүрүүгө аракет кылган деген шек менен анын апасы кармалды. Бул тууралуу Бишкек шаардык ички иштер башкармалыгы билдирди.

Милициянын маалыматына ылайык, бул факты боюнча кылмыш-жаза кодексинин 37-125-беренеси (Жаңы төрөлгөн баланын энеси тарабынан өлтүрүүгө аракет кылуу) боюнча кылмыш иши козголуп, бардык зарыл болгон экспертизалар дайындалган.

Ыкчам иликтөө иш-чараларынын жүрүшүндө бул кылмышка шектүү катары 2002-жылы туулган А.С. аттуу жаран кармалды. Шектүү убактылуу кармоочу жайга киргизилген.

Буга чейин маалымдалгандай, ымыркай №1 төрөт үйүнө которулган, абалы туруктуу.

9-ноябрда Бишкектеги таштанды челектен баштыкка салынган жаңы төрөлгөн ымыркай табылган. Алгач аны пакистандыктар байкап, кийин милиция чакырышкан.

Автор: Азат Бейшенбеков