Садыр Жапаров менен Шавкат Мирзийоев телефон аркылуу сүйлөштү

Бүгүн, 6-декабрда президент Садыр Жапаров жана Өзбекстандын башчысы Шавкат Мирзийоев менен телефон аркылуу сүйлөштү. Бул тууралуу мамлекет башчынын маалымат кызматынан билдиришти.

Кабарлангандай, сүйлөшүүнүн жүрүшүндө Мирзийоев Жапаровду туулган күнү менен куттуктап, бекем ден соолук жана мамлекеттик ишмердигинде ийгиликтерди каалады.

Өлкө башчылары ошондой эле кыргыз-өзбек эки тараптуу кызматташуусунун актуалдуу маселелери боюнча пикир алмашып, мурда жетишилген келишимдерди ишке ашыруунун жүрүшүн талкуулашты.

Автор: Максуда Кудайбердиева