Баткенде күйөөсүнүн токмогунан каза болгон келин: Камчыбек Ташиев билдирүү жасады

Баткен облусунун Кадамжай районунда майыптуулугу бар келинди күйөөсү муунтуп өлтүргөн факты боюнча УКМК төрагасы Камчыбек Ташиев билдирүү жасады.

Билдирүүсүндө УКМК башчысы Кыргызстандагы кыз-келиндерге кайрылып, зордук-зомбулукка кабылгандар болсо УКМКга тезинен кабарлоого чакырды.

"Урматтуу мекендештер! Кадамжай районунда күйөөсүнүн токмогунан каза болгон 23 жаштагы келиндин тагдыры өтө аянычтуу болду.

Атайын кайрыламын,урматтуу кыз-келиндер! Эгерде сиздерге зордук-зомбулук көрсөүлүп жатса тез арада ар бир райондо жайгашкан УКМК кеңселерине кайрылыңыздар! Энелерди, аялдарды, кыз-келиндерди сактап, коргоп жана жардам берүүгө биз милдеттүүбүз!", - деп жазды Ташиев социалдыкь тармактагы баракчасына.

2-январь күнү Кадамжай районунун Ирелеш айылында Ж.Г. аттуу жаран менен анын жубайы А.К. экөөнүн ортосунда пикир келишпестик чыкканы белгилүү болгон. Анда жолдошу жубайынын моюнун муунткан кезде, келин ошол жерде каза болуп калган.

Милициядан кошумчалашкандай, каза болгон келин да, жолдошу да майыптыгы бар жарандар. Экөөнүн тең угуу жана сүйлөөсү начар. Алардын ортосунда алты жана үч жаштагы эки кызы бар. Келин буга чейин да жолдошунун ур-токмогуна кабылганы боюнча жакындарына даттанганы белгилүү болду.

Автор: Азат Бейшенбеков

09:38 12-01-2024

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 839 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2955 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 1100 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2856 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1150 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 593 0

Архив

Комментарийлер (2)

Asyl27

2024-01-12 09:47:00

Зомбулука чыдап журо бербегиле кыздар. Акыры силердин жаныңарды алып тынат же өмүр бою майып болуп жашайсыңар. Зомбулука каршы идеялогияны мектептен башташ керек. Кыздардын жана эркектин сабатсыздыгы жоюлбаса зомбулук улана берет. Эң чоң көйгөй сабатсыздык.

Asyl27

2024-01-12 10:00:00

Жашоодо кыздар, аялдар малай сымал жашаш керек деген диний окуулар зомбулука жол ачып жатат. Кыздар суйлобош керек, үйдө эле олтуруп күйөсүнө кул же малай сыяктуу иштерди аткаруу керек деген өтө жийиркеничтүү акмак ойлор адам өлүмүнө жол ачып жатат. Тарыхта ушул сыяктуу жапайчылык диний ойлор далай кыздарды майып кылып, өмүрүн алган

Комментарий калтыруу үчүн өз ысымыңыз менен кириңиз же каттоодон өтүңүз.