Транспорт департаментинин жетекчиси Улан Уезбаев кызматынан бошотулду

Бишкек шаарынын мэриясынын Транспорт жана жол инфратүзүмдү өнүктүрүү департаментинин директору Улан Уезбаев ээлеген кызматынан бошотулду. Бул тууралуу бүгүн, 17-январда мэрия кабарлады.

Маалым болгондой, 16-январда У.К.Уезбаевге карата Бишкек шаардык сотунун чечиминин көчүрмөсү келип түшкөн. Буга байланыштуу мэр А.Жунушалиев У.Уезбаевдин берген арызына ылайык ээлеген кызматынан бошотуу тууралуу буйрукка кол койгон.

Белгилей кетсек, былтыр 13-ноябрда Уезбаев аталган департаменттин орун басарынан директорлугуна көтөрүлгөн.

"Дайындоо учурунда Биринчи Май райондук соту тарабынан У.К. Уезбаев жеке айыптоо кылмыш иши боюнча күнөөлүү эмес деп табылган", - деп айтылат маалыматта.

Автор: Кылымбек Бейшеев