Сот адилеттиги иштери боюнча кеңешке Таалайбек Алыбаевдин талапкерлиги жактырылды

Бүгүн, 7-февралдагы Жогорку Кеңештин жыйынында Элдик курултай тарабынан шайланган жана Сот адилеттиги иштери боюнча кеңештин курамына сунушталган Таалайбек Алыбаевдин талапкерлиги каралып, колдоо тапты.

Жыйында баяндама жасаган Элдик курултайдын катчылыгынын жетекчиси Мыктыбек Абдылдаев талапкер тууралуу учкай маалымат берди.

Эске салсак, Алыбаевдин талапкерлиги 6-февралда Жогорку Кеңештин Конституциялык мыйзамдар, мамлекеттик түзүлүш, сот укук маселелери боюнча комитетинин жыйынында каралып, жактырылган.