Депутат Мураталиев унаа айдоодо ылдамдыктын төмөнкү чегин көтөрүүнү сунуштады

Бүгүн, 8-февралдагы Жогорку Кеңештин жыйынында депутат Марат Мураталиев калктуу конуштарда унаа айдоодо ылдамдыктын төмөнкү чегин саатына 40 чакырым ылдамдыктан 60ка, 60тан 80ге көтөрүүнү сунуштады.

Эл өкүлү саатына 40-60 чакырым ылдамдык менен жүрүү эски унааларга ылайыкталганын, азыр заманбап унааларга ал ылдамдык өтө аз экенин белгиледи.

"Азыр элдин көбү заманбап унааларды, "Жиптерди" айдап жүрүшөт. Алар 60 менен баратса да убагында токтой алат. Азыркы чектөөлөр союз убагында "Жигулилерге" ылайыкталган болчу. Ошону кайра карап көрбөйлүбү. Мисалы, Ысык-Көлгө баратканда Кеминдин ичинде акырын жүрүп кайра тыгын жаратышууда", - деди ал.