"ЖККУ Армениясыз ыдырабайт”. Лукашенко Пашиняндын билдирүүсүнө жооп берди

Беларусь өлкөсү армян тараптын ЖККУга мүчөлүккө байланыштуу билдирүүлөрүнө таптакыр тынч мамиледе. Бул тууралуу Беларустун президенти Александр Лукашенко билдиргенин БЕЛТА басылмасы жазды.

"Биз буга абдан сабырдуу мамиле кылабыз. Биз бул маселени Казанда президенттер менен кыйыр түрдө талкууладык. Эч кимдин жини келген жок. Армения ЖККУда болушу керек болчу, биз эч кимди кууп чыгарбайбыз, биз ар дайым колдойбуз жана колдо союздашыбыз катары колдоп келебиз. Эгер Армения ЖККУда болгусу келбесе, уюм ыдырап калбайт", - деген Лукашенко.

Ал азырынча Ереван тараптан бул боюнча расмий билдирүү келе электигин тактады.

"Ал жерде Пашинян кирүү же чыгуу боюнча чечим кабыл ала албайт. Ал жерде парламент чечим кабыл алат. Менимче, Армениянын парламентинин көпчүлүгү акыл-эстүү адамдар. Бизге, ЖККУга нааразычылыктар болушу мүмкүн эмес", - деген ал.

Тоолуу Карабахта Ереван менен Бакунун ортосундагы жаңжалга комментарий берип жатып Лукашенко Азербайжан ЖККУнун бардык мүчөлөрү үчүн чоочун өлкө эмес экенин белгиледи.

"Ооба, биз согушту бүтүрдүк. Биздин позициябыз кандай болушу керек? Армяндар биздин сүйүктүү элибиз. Азербайжан чоочун мамлекетпи? Ошондуктан биз ушундай кырдаалга туш болдук. Ал жерде ЖККУнун киришине эч кандай себеп жок болчу", - деген Лукашенко.

Буга чейин Армениянын премьер-министри Никол Пашинян Армения ЖККУга мүчө болууну токтото тургандыгын айткан. Анын айтымында, ЖККУнун 2021-2022-жылдары Арменияга карата бир нече пункттары толук аткарылган эмес. Премьер-министр бул абалды "байкабай коюуга болбойт" деп баса белгилеген.

Учурда ЖККУга Орусия, Армения, Беларусь, Казакстан, Кыргызстан жана Тажикстан кирет. Уюмдун негизги максаттары тынчтыкты, эл аралык жана аймактык коопсуздукту чыңдоо, мүчө мамлекеттердин көз карандысыздыгын, аймактык бүтүндүгүн жана эгемендигин жамааттык негизде коргоо болуп саналат.