Коңшу Тажикстандын борбору Душанбе шаарында электр энергиясы, жылуулук өчүрүлүп, уюлдук байланыш үзгүлтүккө учурады. Бул тууралуу тажикстандык басылмалар жазышты.
Тажикстандын борборунда бүгүн, 1-март Бишкек убактысы боюнча саат 12:00дө электр энергиясы өчүрүлүп, батареялар дароо муздаган. Шаардык электр тармактары чалууларга жооп бербей жатат, авариялардын себептери тууралуу эч нерсе белгисиз.
Азыр Душанбеде -1 градус суук болуп, кар жаап жатат.
Мындан тышкары, өлкөнүн көпчүлүк аймактарында электр жарыгы жок.