Бүгүн, 15-мартта Бишкектеги борбордук Имам Сарахси мечитинде "Азия MIX" командасынын оюнчусу Марат Жуманалиевди акыркы сапарга узатуу зыйнаты өттү. Ага жаназа жума намазынан кийин окулду.
Коштошуу зыйнатына Жуманалиевдин жакындары, чыгармачылыктагы достору жана санаалаштары катышты. Аны акыркы сапарга узатуу үчүн жалпысынан 10 миңден ашуун адам келди.
Эске салсак, Маратик деп таанылган Жуманалиев кечээ, 14-мартта каза болгон. Ал 1981-жылдын май айында төрөлгөн. Бул жылы 43 жашка чыкмак.