Орусиянын президенттик шайлоосуна өлкөдө шайлоо тилкелери ачылды (тизме)

Өлкөдө Орусиянын президенттик шайлоосуна добуш берүү участоктору ачылды.

Учурда төмөнкү даректерде шайлоо тилкелери добуш берүүчүлөрдү кабыл алууда:

- Орусиянын элчилигинде (Бишкек шаары, Манас проспекти, 55);

- Ош шаарындагы Башкы консулдукта (Бобулов көчөсү, 77);

- №20022 аскер бөлүгүнүн Маданият үйүндө (Кант, Полевая көчөсү, 10А/1);

- №87366 аскердик бөлүгүнүн клубунда (Каракол шаары, Кой-Сары).

Добуш берүү Бишкек убактысы боюнча 08:00дөн 20:00гө чейин жүргүзүлөт.

Белгилей кетсек, Орусияда 15-мартта башталган шайлоо үч күнгө (15-16-17-март) созулуп, бүгүн жыйынтыкталат.

Орусиянын ушул таптагы президенти Владимир Путин бешинчи ирет президенттик шайлоого талапкер катары катышып жатат. Ал өзүн-өзү көрсөткөн талапкер катары катталган. Андан тышкары Владислав Даванков (“Новые люди”), Леонид Слуцкий (ЛДПР) жана Николай Харитонов (КПРФ) талапкерлигин койгон.

Автор: Бек Оморбеков