Чүй облусунда шеригин өлтүрүүгө шектүүнү издөө иштери уланууда. Бул тууралуу Чүй облустук ички иштер башкы башкармалыгынын басма сөз кызматы билдирди.
Маалым болгондой, 2-март күнү Сокулук РИИБинин нөөмөт бөлүмүнө Электромеханик аймагынан зомбулуктан каза болгон 1975-жылы туулган М.А.нын жансыз денеси табылгандыгы тууралуу маалымат түшкөн.
Бул факты Сокулук райондук ички иштер бөлүмүнө катталып, кылмыш иши козголгон. Кылмыш иши боюнча бардык зарыл болгон экспертизалар дайындалган.
Ыкчам-издөө иш-чараларынын жүрүшүндө, маркумду чогуу жашаган, мурда бир нече жолу соттолгон 1975-жылы туулган Ш.Б. аттуу жаран өлтүрүп, качып кеткени аныкталган.
Учурда аны издө иштери жүрүүдө.